مدینه

ببر ای سمین ءَ منی ارز دروداں ... په شهر ءِ مدینه ماں زئیریگ اوداں ... چه گستائی ءَ دل زروک ءُ وداریگ ... هیالاں چی بار ءُ زهیراں چی بندیگ ... نسیب بیت کدی رب منی دل مرادیگ ... بچاراں آ موسم مدینه ءِ نوداں ... شلاں ارساں دیدگ دعا انت مدام ءَ ... بگنداں مدینه ءِ خیرالانام ءَ ... بکاں سر ای مولا منی انتظار ءَ ... رواں روضه ءِ پاک دل ءِ گرداں شوداں ... هدوک انت ؛ دل ءَ را بداراں چه پیما! ... هواراں گوں اندوهاں ؛ داراں تمنا ... همک وهد ءَ لوٹ ءُ تما انت حامیا ... دیاں بوسه ائے من مدینه ءِ دوداں