شھر ءِ رسول

اِے سالی ربّ ءَ مارا شھر ءَ رسول ءِ بُرتیں ... دُرّیں نبی ءَ گوں ما گِند ءُ دیدار کُرتیں ... بیگاہ ءُ پَگّاھی ءَ پہ ترّ ءُ تاب گْوستیں ... شھر ءَ مدینہ ءِ من دل پہ مراد بَستیں ... یک یک دمانے ءِ من مھرانی یات زُرتیں ... دُرّیں نبی ءَ گوں ما گِند ءُ دیدار کُرتیں ... وھدے جھان ءَ اتکگ مُحَمّد صَلّی اللہُ ... گْورت اَنت چو ھَور ءَ رحمت لاالا الاللّہُ ... شَورے پہ یَسرب او دل سات ءُ سَپَر بہ کُرتیں ... دُرّیں نبی ءَ گوں ما گِند ءُ دیدار کرتیں ... من پہ واجہ ءِ گال ءُ گُشتن کُربان باتاں ... اللہ ءِ پَرز ءُ واجب سُنّت تو مارا داتاں ... بَس گُڈی لوٹ واھِد پادینّاں تئی بہ مُرتیں ... دُرّیں نبی ءَ گوں ما گِند ءُ دیدار کُرتیں ... اِے سالی ربّ ءَ مارا شھر ءَ رسول ءِ بُرتیں ... دُرّیں نبی ءَ گوں ما گِند ءُ دیدار کُرتیں