سردار عالم

ای سردار ءِ عالم رسول ءِ معظم ... حبیب ءِ خدائے حبیب ءِ خدائے ... تئی نام ءَ کربان سر ءُ چم ءُ مئے جان ... تو مئے پیشوائے تو مئے پیشوائے ... ترا سد سلات ءُ دروت ءُ سلام انت ... اے دنیا ءِ مهکاں چه تئے رژنیں گام انت ... چو ماه ءِ چهارده تئے هسن ءِ جلوه ... تو شمس الضحائے تو شمس الضحائے ... سبک دات اَنت مهراں تئے دوزواه ءُ یاراں ... رسینت انَت په ما دین ءُ قرآن ءُ ایماں ... تئے شیدا ءُ کولیگ صحابه صحابه ... تو مهبوب ءِ مائے تو مهبوب ءِ مائے ... کدی بی نسیب ءَ هما وهد ءُ نوبت ... بیایاں تئے روضه کناں من زیارت ... چه دوری منی دل زروک ءُ زران انت ... مئے درداں دوائے مئے درداں دوائے ... تو بی مثل ءُ درور سروک ءُ مئے سرور ... اے زند ءِ کرار انت تئی راه ای رهبر ... تئے ناتاں زبان گنگ ءُ حامی انت حیراں ... نبی مصطفائے نبی مصطفائے