دنیای فانی

منی الله بلیں رژنیں تهار انت دل تهار انت دل ... شتگ همبل منی زئیریگ ءُ زار انت دل تهار انت دل ... ائے دنیا بی وپائیں لوگ نکرز ایت په ردیں کاراں ... دو روچ ءَ ما مساپر ائے دوار انت دل تهار انت دل ... دمانی سر رسیت ائے زند دروهی مئے جوانی ءَ ... مدے وقت ءَ هدر تو ؛ موت ودار انت دل تهار انت دل ... شپ ءَ انسان کندانیں سب ءَ دیدار ءِ اومانیں ... ائے چونیں زندمانیں بی کرار انت دل تهار انت دل ... نه مان ایت بید ءِ وش نامی ءُ نیکیّاں ادا حامی ... چی ءَ سِلکاری ءِ راه ءَ هوار انت دل تهار انت دل ... دعا انت یا هدا رکیں چه موت ءِ ناگهانی ءَ ... بدے توفیق وتی درگاه ءَ وار انت دل تهار انت دل