قرآن

هدایت ءِ گُلیں بهار ... ءُ گم‌جتیں دل ءِ کَرار ... هدا ءِ نیکیں بنده تو ... بواں کُران ءَ بار بار ... رِچ‌اَنت آیتانی هور ... تَچ‌اَنت رهمتانی کور ... وتی دو دست ءَ تو شَهار ... بواں کُران ءَ بار بار ... همُک سباه ءُ هر شپ ءَ ... دل ءَ کں ربّ ءِ هر گپ ءَ ... کُرآن ءِ تاکاں شر بچار ... بواں کُران ءَ بار بار ... گوں وشیں گُٹّ ءُ زیمِرے ... سَپائیں زِرد ءُ هاترے ... اَو وش‌لسانیں وش‌توار ... بواں کُران ءَ بار بار ... دل ءَ هیالے نوک بیت ... شپ ءَ چراگے روک بیت ... مہ‌بات‌ئے تاں کہ دل‌تهار ... بواں کُران ءَ بار بار ... اگاں تو لوٹ‌ئے چہ ھُدا ... همئے کتاب، گوں ترا ... بہ‌بات کیامت ءَ هَوار ... بواں کُران ءَ بار بار