صحابه رضی الله عنهم

نزاناں چی ماں پِربنداں په اصحاب ءَ ستا ناتاں ... سجینتگ وت هدا آیاں رضی الله ءِ آیاتاں ... هما که دین ءِ گلباگ اَنت رسول الله ءِ مستاگ اَنت ... ائے دنیا ئے گلستان کت وتی گوں گام ءُ زهماتاں ... چو نود ءِ رحمتاں آتکاں آ اِشک ءُ مهر ءِ دستونکاں ... نثار اَنت ءُ وفادار اَنت ؛ شهادت ءَ آ سوگاتاں ... ابوبکر ءُ عمر فاروق ءُ عثمان ءُ علی حیدر ... چه کربانی نداتگ اَنت په واجه ءَ همک ساتاں ... مسلماں پهر بندوکیں شمے مهرانی هدوکیں ... دل ءُ جان پر شما ندریگ رسینت ئے دین په بانداتاں ... صحابه ای نشان ءِ مئے سر ءُ ارواه ءُ جان ءِ مئے ... شمے نام جلوه ءَ دریک ایت دروت ءُ حامی ءِ یاتاں