توبه

خداوندا ته رحمانه ... توه بخشوک هر عصیانه ... منن بندگ خطاکارن ... تی نا فرمان گناه کارین ... بکن فضله خداوندا ... نی جرم بازنت شاحدا ... چینکه سال من گناه کورتون ... شیطان رسم و راه برتون ... همیشه فسق و عصیاننت ... منی دوست نفس و شیطاننت ... شپ و روچ کورتون معاصی ... غافل شه امر نواهی ... نگوست بمنی سرا یک روچ ... گناه کورتون بی فکر و سوج ... نکورتون من عبادته ... شه قلب و جان اطاعته ... انون آتون تی دربارا ... مولا بوشکین نی توارا ... بگر دستا منی ربا ... قبول کن شه من نی توبا ... همیشه من کنین طلب ... شه موتا دیم نا بخشا رب ... امید دارین منه مخلص ... شه دنیا نا مبر مفلس ... امید دارین منه مسعود ... کبرتا نا مکن مردود