امام مرسلین

محمد ای گلانی پل ءُ مهرانی سمین ءِ تو ... جهان ءِ تاجدار ءُ رحمت ءُ للعالمین ءِ تو ... تئی مستاگَ رژن ءَ دل توءِ مئے زند ءُ مئے منزل ... دروت ءُ سدسلام پر تو امام ءِ مرسلین ءِ تو ... تو آتک ءِ شهمتگ نوراں شتگ دنیا ءِ تاموراں ... درپش ئے تو چو مهکان ءَ بهارگاه ءِ زمین ءِ تو ... تُرپیت دل پر تئی مهبت سجیناں دل تئی وزبت ... تو طاسین ءُ مدثر ءُ مزمل ءُ امین ءِ تو ... چه تو انسانیت برجاه ستاءَ تئے کرار ارواه ... هدا ءِ ارش تئی قامت حبیب الواصلین ءِ تو ... چراگ ءِ علم ءُ قرآن ئے تو پجار ءُ مئے ایمان ئے ... زبان ءِ ورد تئے شهدیں نام تو دنیا ءُ مئے دین ءِ تو ... تئے نام ءَ زلم لیمّرتگ تو وحدت دوستی آورتگ ... تو بی درور گلیں رهبر مسلمان ءِ یکین ءِ تو ... سبک تئے هستیں اتحاد تپاکی ءَ گوں بیت آزاد ... فلسطین ؛ مسجد اقصی را گلزار ءِ جبین ءِ تو ... په امت حال تئے هردم زر انت تئے دل گریواں چم ... چه ایران ءُ بلوچ عالم فدائے مه جبین ءِ تو  ... مسلمانانی تو رهشوں تئی میلاد ءَ وحدت گوں ... نگار انت کاگد ءُ دیوان ءِ حامی ءَ نگین ءِ تو